بواسطة : Menna Mostafa - بتاريخ : الجمعة 30 مايو 2025
اختبارات الخرسانة في الموقع
اختبارات الخرسانة في الموقع جزء أساسي من جودة التنفيذ وبتساعد المهندس يتأكد إن الخلطة مطابقة للمواصفات وإن الهيكل الخرساني آمن ومتين
سواء كنت مهندس مشرف أو منفذ لازم تكون فاهم إمتى وليه وإزاي بنعمل كل اختبار
١ اختبار الهبوط (Slump Test)
الاختبار ده بيتعمل مباشرة بعد صب الخرسانة في الموقع
بيوضح قوام الخلطة الطازجة وهل هي مناسبة للصب ولا فيها زيادة أو نقص في المياه
لو الهبوط كبير قوي يبقى في مية زيادة وده بيأثر على المقاومة
ولو قليل جداً يبقى الخلطة ناشفة وده بيصعب الصب ويأثر على دمك الخرسانة
٢ اختبار المكعبات الخرسانية
بناخد عينات من الخرسانة ونصبها في مكعبات ١٥×١٥×١٥ سم
بعد كده بتتسابق في المعمل ويتعملها كسر بعد ٧ أيام و٢٨ يوم
ده أهم اختبار بيحدد مقاومة الضغط للخرسانة وهل هي مطابقة للمواصفات ولا لأ
٣ اختبار درجة حرارة الخرسانة
بيتعمل عشان نعرف حرارة الخلطة أثناء الصب
لو الحرارة عالية جداً ممكن يحصل تشققات وانكماش
ولو منخفضة قوي ممكن الخلطة ما تتمسكش كويس
٤ اختبار دمك الخرسانة (Compaction)
مش كل المواقع بتعمله لكن مهم
لو الخرسانة ما اتمدمتش كويس هتظهر فراغات وممكن تطلع honeycombs بعد فك الشدة
وده يضعف العنصر الخرساني
٥ اختبار القوام أو Flow Table
بيستخدم في الخلطات ذات التشغيلية العالية
وبيساعد في معرفة مدى قدرة الخرسانة على الانتشار بدون انفصال
٦ المراقبة البصرية
ودي أبسط حاجة لكن مهمة جداً
المهندس لازم يلاحظ لون الخلطة
حالة الفاصل بين الصب القديم والجديد
وأي تغيرات غير متوقعة في الملمس أو الشك
نصائح مهمة أثناء الاختبارات
– لازم كل عينات المكعبات تتاخد من نفس الخلطة اللي بتتصب
– يتم ترقيم المكعبات وتسجيل بياناتها (تاريخ الصب – مكان الصب – رقم العينة)
– الاحتفاظ بالمكعبات في ظروف مناسبة للرطوبة ودرجة الحرارة
الاهتمام باختبارات الخرسانة مش رفاهية
هي ضمانك إن المشروع آمن، وإنك كمهندس بتنفذ صح
لتحميل الملف اضغط هنا
إشعار هام
تؤكد إدارة pmogate.com أن الكتب والروابط المُتاحة مخصصة للمهندسين العرب مجانًا** دون استهداف أي ربح مادي، بهدف دعم المعرفة الهندسية. نلتزم بحماية حقوق النشر، وإذا لاحظت انتهاكًا يُرجى إبلاغنا فورًا لاتخاذ الإجراء الفوري (حذف الروابط وتصحيح الحقوق)
.
